Pirates Bar

يا تري مين الريس .... بتاع المركب ؟؟!!

قبل ما تفكر تركب مركب لازم تسأل

هو مين الريس بتاع المركب..!!؟

و فكر كذا مرة قبل ما تركب ... اذا كان المركب عليه كذا ريس ...

الطريقة المثالية لقيادة المراكب البحرية

عودة الابن الضال ...

المملكة المتحدة .... بلد المحبوب

دلوقتي بس عرفت قيمة بلدي ....حسيت بالحرية كفاية اني اخيرا اقدر اشتم اي حد و لو حتي المملكة المتحدة بذات نفسها .. ما تفتكرش اني قليل الادب ..لا ... بس ده موقف حبيت اسجله .. عظيمة يا مصر يا ارض اللواء .

بالرغم اني اتبهدلت كتير و لسه بأتبهدل في ترابك يا مصر الا اني عايش حر .. و انا بحب عيشة الحرية .

الاستعانة بالخوجات في صد الهجمات

بما ان الأهلى هو الشئ الوحيداللي يسر الخاطر و يرفع الراس .. فلماذا لا نأخذ بتجربته فى الأستعانه بالخواجة جوزية – ربنا يكرمه و ينورهملوا كمان و كمان – و نستعين بمدربين أجانب لتدريب أشبال المحروسة ؟؟؟أوعى حد يقوللى ميزانية .. لا هو ميزانية الأهلى أكبر من ميزانية الدوله؟ طب الجون بيعمل كام دلوقتى فى بورصة الكورة؟؟؟؟طب بلاش الأهلى .. تعالوا نشوف ميزانية مطربة صاعده كام ؟؟ شد و نفخ و نحت و شفايف و خدود و مناخير و حواجب و مايوهات و ....... و يطلع منها صاروخ موجه بيجيب ملايين ... بقى مش التعليم و التربية أولى؟؟

ولا انتم عاجبكم المناظر اللي بنشفها كل يوم واحنا ريحين علي اشغالنا الصبح .... مابقاش فيه حاجة اسمها تلاميذ بتتعلم علشان تنفع البلد , كلهم بيحاولوا يتعلموا علشان يهبشوا زي بابا و ماما و عموا و خالوا , خلاص مفيش فايدة ... عليه العوض

بعيداً عن نون النسوة ... البعد عنها غنيمة

اثناء متابعتي اليومية لما يحرره الزملاء المدونون استوقفني هذا البوست الظريف و هو بعنوان

سيستم الألفطة .. للرجالة المتظبطة

حبيباتى .. أخواتى .. بنات جنسى .. بما انى واحدة مشاغبة و من الستات المقرفة اللى بحب أشاكل نظمى و أبو رحاب و هيركليز و الرجالة الوحشين دول .. فقد تفتق نافوخى عن سيستم جديد هاحكلكوا عليه .. و سميته" سيستم الألفطة للرجالة المتظبطة" .. يعنى سيستم عنب هنريح و نستريح ..فقد استنفذنا الكثير من الكهرباء فى السساتم (غير البساتم) التقليدية زى أسلوب : القفة أم ودنين و أسلوب أطبخى ياجارية .. حتى أسلوب" إلهى و انت جاهى ماترجع" و" داهية تشيل الأبعد" .. و فى النهاية برضك لا بيتعدلوا ولا بطيخ .. فككوا بقى يا أخوات من الحوارات التراديشيونال دى و هيا بنا نلعب:الرجل مهما كان مركزه أو طول شنباته .. فيوجد بداخله طفل (مش بالمعنى اللفظى طبعا.. ركزوا معايا و مش عايزين هطل) لآ و طفل عربيد كمان .. طفل بمعنى انه بينضحك عليه .. أيوه همّا بيحبوا كده مش زيّنا نحقق و ندقق و ندوس عالميت لحد ما.. يهوّى – همّا أطيب مننا : كلمة فضحكة فحدوتة قبل النوم و حدوتة بعد المعرفش ايه .. و خلاص بقى فجيبك – طيب ايه اللى بيمنعنا من ممارسة الأسلوب ده عادةً ؟ اسمالله عليكوا – بنبقى مش طايقين شكله و لسان الحال بيقول مايستهلش ده مايل و ايه يعدله.. صح؟؟لأ يا قطط .. منظور جديد .. فكر جديد .. رؤية أفضل للمستقبل .. فكوا الكرافتات :هننام مغنطيسياً: كل واحدة فينا هتسرح شوية فى بعض الأشياء : الطلاق .. نظرة المجتمع المتدنية للمطلقة .. و حتى لو رفسنا نظرة المجتمع فى ظل السموات المفتوحة : فرصة الجواز مرة تانية و فى أيدك عيلين تلاتة بعيدة شويتين .. ولو قلتى مش مهم جواز تانى فالوِحدة مُّّرّة ياصاحبى و الحياة ناشفة و عايزة ونس .. برضه الأولاد محتاجين حمار يركبوه .. سورى أب يحميهم و يشكمهم فى ظل العولمة و غفلة شرطة المخدرات و الآداب العامة .. صدقينى لو رحلتى هتفرحيلك كام يوم و بعدين هتجيلك شوية أمراض نفسية أبسطها : انفريوريتى كومبلكس .. هلاوس سمعية ..حنين للنكد .. شروخ فى الزور من هت العيال ..طيب .. تعالوا ناخدها تحدى و نرفع شعار :" ياللى اديت لحياتى فحبك طعم و ريحة .. مش هتنازل عنك أبدا دانا تلقيحة"أولا: شحن نفسى مستمر .. طول مانتى فى البيت فى الشارع فى الشغل : أبو عيلاء ده سيد الرجالة – أبو عيلاء ده فل الفل – أبو عيلاء ده سبعى – أبو عيلاء ده جملى ..هو فيه زى أبو اللوووول و هكذا حتى تصدقى كل الحوارات دى.ثانيا: تغاضى تماما عن ريحة شراباته .. لون غياراته .. شخيره بالليل .. حسه الكوميدى المتدنى .. صوته العالى .. مامته .. اخواته الحيزبونات .. نسيانه لجميع المناسبات المفرحة .. طريقة أكله .. ولا كأنك شايفه حاجة : انتى ست فى مهمة قومية و يجب أن تضحى يا زينب .. من أجل كرامة المرأة .. من أجل أبنائى .. و فوق ذلك كله : من أجل مصر (مع تحيات الحزب).ثالثا: شوية تنازل بقى يا بيضه عن بعض الحقوق : مانتى كده كده متنازلة و ان جالك الغصب خدوا بالرضا : استخدمى بعض الألفاظ الجديدة : مفيش مشكلة يا حبيبى – أنت تعبان و شقيان مالصبح ربنا يكون فى عونك .. بطلى مصمصة و قلبة وش و نعى فبختك و بلاش سيرة الناس اللى خيبتهم السبت و الحد – خللى خيبتك اتنين و خميس مع الحلاقين يا أوكّة.. لأ بجد ماتقفيش عالواحدة و كبرّى .. كبرّرّرّى بلاش أتامة و انسى دور أم الغضب و اهو يكفيه شرف المحاولة.رابعا: روحى للمزيّن يا زينب ..سياسة التجديد هى سياسة المرحلة : بصى عالأوكش بتوع الكليبات و اتعلمى .. فورشه كده و فورشه كده مش عيب .. و ابقى خنصرى تمن الليالى دى من المصروف – عادى يعنى و عليّا الفتوى دى – حقيقى أبو عيلاء هينبهر و هيشوفك أوزى حتى أسألى خالتك هدى.خامسا: أول الشهر .. دخول المدارس .. الأعياد .. المصايف .. و مثل هذه المناسبات المكلفة – بلاش بواخة و إلحاح و همز و لمز .. بصى السيناريو ده : أبو عيلاء .. عامل ايه ( أوعى تتكلمى زى اللمبى لتضيعينا) .. حبيبى.. روح قلبى .. نور عينى .. الجمعة الجاية فرح بنت أخوك .. وطبعا لازم أشرفك .. أمّال ايه مش أنا حرم أبو عيلاء .. أحلى راجل .. أجمل راجل.. ( تقمصى دور الصحف القومية ) ولازم أدخل مأنجة دراعك كده و انت فخور بيّا .. و حياتك يابو لولو (غير بتاع السمين اللى فى الناصرية) انا شفت فستان حلو قوى يليق بمراتك حبيبتك بأربع تلاف جنيه .. أنا عارفة انو غالى بس أنا ليّا مين يعنى غيرك و لو مرات أبو عيلاء مالبستش الغالى مين يعنى هيلبس؟ أترك لكِ الأجابة على اس ام اس : مين اللى هيلبس؟ – بس ماتجيبيش سيرة مدونتى الله يراضيكى و يخليهوملك .سادسا: انزلى من على ودانه شوية فى أمور الصيانة المنزلية و عوأ العيال و متبقيش من الكفار .. يعنى غير طبيعى كل ليلة تستقبليه بالموشح الأسرى اياه : بقولك ايه .. الأنبوبة خلصت و السيفون بيشر و الإريال اتعوج و السرير بيزيأ و الواد طردوه مالمدرسة و البت بتغيب بالليل .. ماهو لازم يفرنقع .. و النعمة لو لقى متوى تانى ليدعك الفانوس و يسيبهالك مخضرة .. و استعملى طريقة لطيفة لطلباتك .. و كثير من المقدمات .. بلاش ضغط عالافندى .. و خليكى خفيفة ياااااازينب.سابعا: تابعى معاه مشاكله – حسى بيه – و اديله اهتمام و انتى بتسمعى يعنى لاتتاوبى ولا تعلّى التليفزيون ولا تسفهى من كلامه .. حسسيه انك بالروح بالدم نفديك يابوعيلاء .. و ياريت لو تنحازى لآراؤه شوية و تثنى على سعة أفقه و بعد نظره و فكره الثاقب (مش عيب .. رؤساء تحرير و بيقولوا كده .. هم أحسن منك؟) .ثامنا : و أخيرا .. شوية حنيه يازوبه .. الرجاله بييجوا عالحنّية .. أنترى فوسط كلامك مصطلحات حنينة : ألف سلامة يا عنيّا .. هتوحشنى .. ان شالله أنا ياقلبى .. ياستى تخيلى انه الولا عيلاء ابنك ثم تعاملى مع الهدف ..و ادينا بنجرب .. ورانا إيه .. ورانا إيه .. ماشى يا ستات .. نلتزم بالخطه .. نطول بالنا .. فى الأول ممكن مايبقاش فيه نتايج سريعة و هيبقى فيه جس نبض من الطرف الآخر ولازم نعرف ان دى خطه طويلة المدى ... على بركة الله.......هجوووووووووووووووم

من اجمل حفلات الزفــاف هذا العام

في حفل بهيج حضره لفيف من الزملاء و الاصدقاء و العائلة , اقيم اجمل حفلات الزفاف هذا العام وسط فرحة الجميع و بحضور المقربين لهم ...

الف مبروك للعروسين و بالرفاء و البنين وعقبال الجميع .

الفراعنة يواجهون بتسوانا في رقصة الحمار الوحشي‏..‏ فمن يكسب؟‏

يلتقي في الثالثة والنصف من عصر اليوم بتوقيت القاهرة‏..‏ نفس توقيت بتسوانا‏..‏ المنتخب الوطني لكرة القدم مع نظيره البتسواني في الجولة الثانية لمباريات المجموعة الثانية المؤهلة لكأس الأمم الأفريقية غانا‏2008.‏يدير المباراة طاقم حكام من جنوب افريقيا‏.‏يدخل المنتخب الوطني مباراة اليوم محتلا المركز الثاني بفارق هدف عن منتخب موريتانيا‏,‏ حيث فاز المنتخب الوطني علي بوروندي‏1/4..‏ بينما فاز المنتخب الموريتاني علي بتسوانا‏4/‏ صفر‏.‏

تقام المباراة اليوم علي الاستاد الرئيسي بالعاصمة جبروني الذي يسع لأكثر من‏22‏ ألف متفرج‏,‏ ويملك أرضية جيدة‏..‏ أشاد بها الجهاز الفني للمنتخب الوطني‏.

MSN Arabia - Screensavers

MSN Arabia - Screensavers

من مدونات الغيــــر

في اثناء متابعتي لما هو جديد في عالم المدونات و اثناء تصفحي لمدونات الغير ... استوقفني احدي المدونات التي اعجبتني كثيرا لا لشيء الا لككونها لفتاة مصرية جريئة يمكن ان توصف كتابتها بأنه اكثر تحررية ... بس هي دي صفات البنات في العصر اللي احنا فيه ( طبعا ده مش تعميم ..كلا حسب النشأة و البيئة الي اتربي فيها) هي اكتشفت تدني الالفاظ في مدونتها الاولي و حاولت تدارك ذلك فيما بعد حيث كتبت تقول .." كنت سعيدة جدا لأنى أستخدم ألفاظ دخيلة على الذوق العام و الآداب الرفيعة و فى نفس الوقت تعبر عما تعجز عنه الألفاظ المنتقاه . باختصار ظننت انى وجدت مضمارا أكشف فيه عن الجزء الأبيح الذى يحوم حبيسا بداخلى. " صاحبة هذه المدونة تلقب ب تمــــر حنـــة ... و تعلوا نشوف كتبت ايه ..

تحت عنوان (ايوه خدامة ) كتبت تمر حنة تقول :-

هو فيه ايه؟؟ الله يخرب بيت الجواز لبيت اللى بيتجوزوا .. دى بقت حاجة تقرف.البنت من قبل ماتبلغ الحلم و هى كل اللى فدماغها الفستان النيلة الأبيض و الطرحة و كل أحلامها فى اليقظة و المنام الراجل اللى حتتنيل و تتجوزوا و الست من دول أول ماينكسر فى أيدها قرشين تجرى تجيب طقم الصينى و الأركوبال للبت أم تلات سنين.بردت نارهم و كتبوا الكتاب و ضربو النار و قالوا لابوها ان كان جعان يقوم يطفح و الذى منو و شافت اللى كان نفسها تشوفو – ماشى كده؟؟؟؟ و بعدين ايه ...و بعدين تتحول المره من دول ( ماهى كان نفسها فى اللقب ده من زمان) الى شئ هلامى لا يمكن توصيفه تحت أى كاتيجورى :كل صباح يا فتاح يا عليم تلبس أى حاجه من قعر الدولاب و طيران عالشغل و هى بنص دماغ – مواصلات أو عربيتها أو شعبطه فكل الركايب تؤدى الى رومابعد الدوام تجرى طايره يا حبة عينى عشان تلحق الغدا بتاع اللافندى و لو كان فيه حتة عيل أو اتنين فتلمهم فى سكتها من عند أمها أو من حضانة الأيواء ثم تدلف الى سوق الخضار تجيبلها كيلو بسلة و فرخه و طيران عالبيت بهدومها و عرقها عالمطبخ لأن الباشا فى طريقه الى العش الجميل – لا لحقت تغسل وشها و لا تتكلم مع عيل و اللى هايقولها أى حاجه مصيره قلمين أو شبشب طايريدخل الوحش فين الغدا – أحا لسه عالنار؟ دانا على لحم بطنى من صباحية ربنا و هى ياعينى بتحايلو معلش يانظمى سوانى و هيكون جاهز بعذنها لسه مخلصه سيشن المساج اللى بيرخى العضلاتياكل سى نظمى و يتكرع و يدخل ينام و مش عايز أسمع حس حد من عيالك انتى فاهمه؟؟ من عينى يا خويا يالا ياعيال نتحبس فى الحمام لحد ما يصحى !!! أحا دوبلصحى الباشا : فين الشاى؟؟ ماتقوم يا عرص تعملو لروحك دى الوليه من ساعة مانمت و هى حمت و غسلت المواعين و غسلت لبستك و نشرت و رضعت و ذاكرت للواد الكبير و انت قافل على روحك و مشغل التكييف و بتفسى فى الظلامالقصد يقوم من النوم و يغور فى داهيه و المسكينه ماعندهاش قله تكسرها وراه بس أكيد انها سوف تلحقه باللفظ المتداول بيننا معشر النسوه : غور داهية لاترجعك و تخلصنا منكو يرجع الباشا الساعه اتناشر من أى مصيبه : قهوه , نادى , أمه , عزا , مرا تانيه ...... المهم انه عمل اللى هو عايزو وراجع يكمل عالفرخة المسكينة اللى لا يمكن تقدر ترفع أى حاجه حتى حواجبها و يبدأ فى المطالبه بحقوقه الشرعيه – نهار أسود ماحنا عارفين انها شرعيه بس فين الأنسانية؟و كالعاده تنتهى القصة انها زبالة و مابقتش رومنسيه ( مفيش أحا تريبل) طب منين يا دلال؟؟؟ و كل ده بربعميه و خمسين جنيه فى الشهر و مفيش حتى 10% أول مايوبصو بقى احنا بصراحه زهقنا من النداءات الأنسانية بتاعت القناة التالته و الأستغاثات للسيد وزير الداخلية و نتف ريش الرجاله فى المحافل النسائية الخاصة .الله يلعن أبو نظمى و اللى على شاكلته – بصو يا ستات أنا هطلق – و مالو الطلاق ده حتى موضة شتاء و خريف 2006 و ناوية أشتغل خدامه .. أيوه خدامة على رأى لبنى عبد العزيز فى غرام الأكابر .دى الخدامة ستى و ستك هاروح أشتغل عند أسره صغيره بسبعميت جنيه واكله شاربه نايمه محترمه – يستجرى حد يفتح عينو فى الخدامه دى كات فشختو – يستجرى حد يقولها كسرتى الماج بتاعى ولا حرقتى لى القميص يا مره يا عره – يستجرى حد يقولها هتجوز عليكى لأنك ست كسر؟ و هاخد يوم الجمعه داى أوف مانا معايا سبعميت جنيه بوكيت مانى أقابل صحباتى سمر و ميرفت و نروح الكافيه بتاعنا نديها لاتيه و تشيز كيك و احنا هوانم و أمرمط بكرامة الويتر الأرض –بفلوسى يا كلاب – أما المحروس نظمى فناوية اسيبو مع العيال أهو برضو أولى بلحمه.

بعد عرض هذاه المدونة اعتقد ان كثير من قراءها استفزهم الكلام و عبروا عما بداخلهم من خلال التعليقات .

-->-->اعلان كازوزة يردد عبارة لا معني لها 'خليك أدٌها'، أخليني أد مين؟ أد الازازة؟ ولماذا تطلب شركة الكازوزة أنسخط وأصبح طول الازازة؟ مش عيب؟؟ أم المقصود أن الشركة تعتبر كل زبائنها عيال ينظرون إلي مشروبها نظرة عيالي لا تدرك قيمتها؟ ولماذا يظهر في أحد الاعلانات واحد أقرع يقيد حركة هيفاء وهبي ممسكا بأيديها الملبن حتي لا تصل إلي الكازوزة.. هل لأن هيفاء ستك وتاج راسك مش أدها يا أقرع؟؟

سرقة كمية كبيرة من المتفجرات بمحجر في سيناء

نقلا عن جريدة المصري اليوم

تكثف أجهزة الأمن بسيناء جهودها لكشف غموض سرقة كمية كبيرة من المواد المتفجرة والديناميت من أحد المحاجر بوسط سيناء، وتبين من المعاينة المبدئية، أن السرقة تمت بدخول مجموعة إلي محجر بجبل «يلق» في الحسنة، وأنهم استخدموا سيارة نقل في سرقة المتفجرات والديناميت،
وتشهد منطقة وسط سيناء عمليات تمشيط بمعرفة رجال الأمن للطرق والمدقات لضبط السيارة وبها المتفجرات، خصوصا أن واقعة السرقة تزامنت مع تحذيرات مسبقة بوقوع تفجيرات في سيناء، وكثفت أجهزة الأمن وجودها في المناطق السياحية ومداخل ومخارج مدن شمال وجنوب سيناء، خوفا من استخدام تلك المسروقات في عمليات إرهابية.

دواعي أمنية

بالرغم من التحذيرات الشفوية لنا بعدم التواجد في الاماكن المزدحمة او حتي الخروج لشراء بعض الاحتياجات اليومية ...الا انني لم اعيرها اي اهتمام و ذهبت الي القهوة . انا عارف ان ده نوع من التهور .... بس انا شايف ان مفيش حد بيهرب من المكتوب له .. و بعدين لازم الواحد يروح عن نفسه و الا ها يطق يموت من كتر الضغوط النفسية ....او يصبح عليه الصبح يبقي واحد من الناس الي بتجري حافيه في الشوارع و لبسة البيجامة .

المهم ان وانا علي القهوة كنت مش مستريح ... حاسس ان الناس قلقانة... علشان كده انا ما طولتش يدوب هما نص ساعة و استأذنت اللي معايا علشان نمشي .. و احنا في الطريق سواء رايح او جاي لم الاحظ اي ترتيبات او تعزيزات امنية ذي ما كنت متوقع خاصة بعد ما شفنا في قناة الجزيرة خبر عن استدعاء مواطنين احد دول الجوار لرعاياه من سيناء في خلال ساعة ...واضح ان هما بس اللي كان القلق زيادة شوية علي مواطنينهم... عموما ربنا يستر و ما يحصلش حاجة احسن دي ها تبقي كارثة . و احنا مش نقصين كوارث.. كفاية علينا احسن السنة دي من يومها وهي وشها ناشف علينا .

اون ذا كافيــــــــه ..

واضح انها بقت عادة خلاص ......

كل يوم بعد العشا ..اروح ساحب في ايدي حد واروح علي القهوة علشان انفخ ... طبعا مش في اللي رايح معايا ...لا ما تفهمونيش غلط , انا بقصد في اللي ما تتسماش الشيشة .

ساعات كتير بفكر و انا قاعد عن مدي اهميتها و هل ياتري هي مجرد جهاز للنفخ ولا صحيح دي بقت عادة و مزاج و جهاز من الاجهزة المهمة في البلد ...

مش عارف ... بس انا لما احب اخد قرار لازم تكون قدامي .

لدرجة اني امبارح جتلي فكرة غريبة و انا قاعد اشد و نفخ ..... سألت نفسي هو ليه انا ما بدونش الي بيحصل كل يوم ..... ايه ده يا عم .... انت ليه بقت افكارك نفخ كده .

و لا نفخ و لا حاجة مهو فيه ناس كتير بتعمل كدة .... ده طبعا الكلام اللي دار بيني و بين نفسي .

المهم انا قررت اني ابداء بتدوين جزء مهم من حياتي .....( طبعا لو كل يوم ساعة يعني بقضي حوالي 15 يوم في السنة في الشد و النفخ و دي فترة مش قليلة من العمر) .

الفتــرة دي ها تكون اللي بقضيها اون ذا كافيه مع الصحبة الحلوة .

.......................... استنوني انا رايح مشوار رفيع و راجع تاني ..... اوعي تغير المحطة .

وطي صوتك‏..‏ أنت في مارينا‏..

كتب: يوسف معاطي
حاضر‏..‏ خلاص‏..‏ فلقتوني‏..‏ و‏..‏ ذهبنا الي مارينا‏..‏ ولأنني لست مارينيا اصيلا كنت مضطرا الي التنكر في هيئة مارينية حتي لا أكسف المدام والاولاد أمام المارينز أعني المارينيين‏..‏ ارتديت شورت بلو بتلتميت جنيه‏(‏ والنعمة الشريفة‏)‏ علي تي شيرت روز‏..‏ مع شبشب ستايل ونضارة‏..‏ وكاسكيتة‏..‏باختصار الطقم الذي ارتديته هذا كلفني ما يوازي بالضبط راتبي في الاهرام عن كتابة مقالات لمدة سنة ونص‏..‏ كان الشاطيء الذي قبلني علي مضض شاطئا خاصا يقف علي بابه بودي جاردات يتأملون الداخلين‏..‏ ودخلت المدام بكل ألاطة‏..‏ وخلفها ابنتنا‏..‏ والاصدقاء‏..‏ وما ان جاء دوري أنا حتي وجدت يدا تنزل أمامي‏..‏ ويسألني صاحب الذراع القوية‏..‏ الباشا داخل لمين ؟‏!‏يبدو ان شكلي برغم التنكر كان يبدو عليه البيئة برضه‏..‏ الراجل ده عبيط ولا ايه هو مش شايف الشورت‏,‏ ولم ينقذني من الموقف إلا البودي جارد الآخر الذي كان عنده خبر بي‏..‏ وقال لزميله سيب الباشا ده تبع شريف بيه‏..‏ وشريف بيه صديقي الذي عزمني هو ماريني قديم غارق في مارينيته يحب دائما ان يلم حوله صفوة المجتمع‏,‏ ويبدو أنه اعتبرني ولا اعرف لماذا اعتبرني واحدا من الصفوة فدعاني إلي الشاطيء الخاص‏..‏ وسمعت البودي جارد الذي منعني من الدخول يقول لزميله مندهشا‏..‏ ده يوسف معاطي‏!!‏ أنا معرفتوش‏..‏ يبدو أن تنكري الذي تصورت انه سينفعني هو الذي كان العقبة في دخولي‏..‏والحقيقة‏..‏ الشورت ما كانش بتلتميت جنيه هو كان في حدود متين وخمسين‏!!‏ قالت لي المدام وهي سعيدة بالمكان كان بيقولك ايه البودي جارد‏,‏ قلت لها لا بس كان عاوز يتصور معايا انتي عارفة المعجبين ورذلتهم بأه‏..‏ نظرت نحوي بغيظ ثم قالت‏..‏ طلع الفانلة برة الشورت‏..‏ قلت لها‏..‏ بس عشان ماركة الشورت تبان‏..‏ ده انا دافع دم قلبي فيه‏..‏ جلسنا تحت الشمسية وانخرطنا بسهولة بين المارينيين حتي لو انك كنت معنا لم تكن تستطيع مهما أوتيت من قوة الملاحظة ان تفرق بيني وبينهم‏..‏لا اريد أن أذكركم ان الشورت لوحده بمتين جنيه فهذه معلومة وصرتم تعرفونها جيدا‏..‏ كانت المايوهات البكيني تمر أمامنا‏..‏ كأسراب الحمام واحدة تلي الأخري في ايقاع متناغم وكأن جاد شويري هو اللي قال لهم يعملوا كده‏..‏ قالت زوجتنا‏(‏ وهي مارينية التوجه‏)‏ متأففة وهي تنظر حولها‏..‏ لأ‏..‏ الشاطيء ده لم خالص‏..‏ بأه بيئة قوي‏..‏ حدجتها بنظرة من طرف المبروكة‏(‏ عيني‏)‏ إذ لا أعرف لماذا شعرت انني المقصود بتلقيح الكلام ده‏..‏ واطمأن قلبي حينما وجدتها تنظر نحو بعضهم وقالت‏..‏ لبسهم رخيص قوي‏..‏قلت لها‏..‏ هو فين لبسهم ده‏..‏ أنا مش شايف حد لابس اي حاجة‏..‏ قالت‏..‏ ما انا باتكلم عن المايوهات‏..‏ مر بائع الفريسكا‏..‏ وهتفت ابنتنا كالعادة‏..‏ عاوزة فريسكا‏..‏ وجاء الرجل من نفسه كده دون ان أدعوه واعطاها للبنت كأنه بابا نويل‏..‏ و‏..‏ لكن بابا الحقيقي الذي هو أنا يجب ان يدفع‏..‏ كام يابابا ؟‏!‏ ثلاثين جنيه‏..‏ قبل ان أهم بان افاصل الرجل الحرامي‏..‏ زغرت لي زوجتي وهمست في غيظ‏..‏ خللي بالك‏..‏ انت في مارينا‏..‏ حاضر‏..‏ ومر بائع البطاطس‏..‏ وعهتفت ابنتنا‏..‏ عاوزة بطاطس‏..‏ وفي ثانية كان من نفسه كده يدس قرطاس البطاطس في يد البنت‏..‏ و‏..‏ عشرة جنيه‏..‏ ثم ساندوتشات سوسيس‏..‏ وخمسين جنيه‏..‏ هكذا‏..‏ ولا تأكل ابنتنا سوي قضمة صغيرة من كل حاجة ثم تنفلت بحركة مارينية اصيلة وتترك كل هذا او تجري علي البحر‏..‏ وأنا كان دوري أن آكل بقايا المفعوصة مش نعمة دي‏!!‏فيه ناس مش لاقية العيش الحاف‏..‏ همست زوجتنا في اذني بحدة وطي صوتك‏..‏ أنت مش قاعد ع القهوة‏..‏ انت في مارينا‏..‏ وفجأة مرت أمامنا امرأة ومعها رجل ماريني‏..‏ قالت زوجتنا‏..‏ دي سوزي‏..‏ صاحبتي‏..‏ وما ان رأتها سوزي حتي عانقتها‏.‏ وأزيك‏..‏ وعامله أيه‏..‏ وكله كويس‏..‏ وانجوي بأه‏..‏ وموبايلات والحاجات دي‏..‏ ثم قدمت لنا الرجل الماريني‏..‏ الذي كان مرتديا شورت نسخة طبق الاصل من شورتي ابو مية وخمسين جنيه وقالت لنا اشرف جوزي‏.‏ ولما كانت سوزي في العام الماضي قد قدمت لنا رجلا آخر بنفس الصفة‏..‏همست لزوجتي‏..‏ هي مش كانت متجوزة واحد تاني طلع امتي ده‏..‏ فنظرت نحوي بغيظ وقامت‏..‏ وطي صوتك‏..‏ انت في مارينا‏..‏ جاءت ابنتنا تجري من البحر وخاطبتني بانجليزية سليمة متأثرة بالجو المحيط بها‏..‏ بابي آي ونت بي نت‏..‏ يعني عاوزة فول سوداني‏..‏ وردت عليها امها بانجليزية اغاظتني قليلا‏..‏ اوكيه دار لنج‏..‏ لاحظوا اني كل ده قافل بقي‏..‏ ثم فجأة مر بنا رجل ماريني ومعه امرأة رائعة‏..‏ وجاء نحوي وسلم بحرارة انت مش فاكرني‏..‏ أنا عصمت جوز سوزي‏..‏ اللي قابلتك السنة اللي فاتت اقدم لك هايدي مراتي‏..‏همست لزوجتي‏..‏ هو عصمت وسوزي بيصيفوا هما الاثنين في مارينا وكل واحد معاه فردة جديدة‏..‏ صرخت زوجتي وقالت‏..‏ وبعدين‏..‏ انا قلت أيه‏..‏ وطي صوتك‏..‏ انت في مارينا‏..‏ وأخيرا جاء الرجل بتاع البي نت اللي هوه السوداني ليأخذ حسابه‏..‏ كام ياعم‏..‏ قال أربعين جنيه‏..‏ صرخت فيه بأه ما انا كاتم في قلبي من الصبح شوية سوداني قد كف البت بأربعين جنيه ليه كيلو السوداني لما يضربه الدم يعمل كام ياعم الحاج‏!!‏والتف حولنا المصطافون وأنا كأني ماسورة وانفتحت‏..‏ توترت زوجتي‏..‏ وأخذت تشدني من الشورت ابو اربعين جنيه ولما فاض بها الكيل‏..‏ صرخت‏..‏ قائلة‏..‏ فضحتنا‏..‏ اقعد بأه ـ وامسك لسانك ده‏..‏ أنت ايه‏..‏ هنا‏..‏ همست لها بحدة‏..‏ وطي صوتك‏..‏ انتي في مارينا‏..‏ و‏..‏ عدنا‏.‏